قصة حقيقية

جنت فاتح فيس عادي مثل كل يوم دا اسولف ويه ولد من أصدقائي ومشغل أغاني ، طبعاً سمعت أذان الفجر نصيت صوت الأغنية لحد ميخلص الأذان ، بس الغريب صوت الأذان بهذا اليوم جان غريب!!! ظليت  مشدود لصوت الأذان وحسيت اكو شغلة غريبة ، لحد مخلص الأذان رجعت شغلت الأغنية وكملت على الفيس ، بعد ساعة سمعت صوت صرخة من الشارع بس مو أي صرخة أعلى صوت سمعته
طلعت للشارع أركض حتى اشوف شكو،  لكيت الشارع مليان ناس وكلهم مستغربين ويباوعون للسما ومصدومين ، باوعت للسماء وسألتهم شكو شبيكم!!!  محد يجاوب عليه
كررت السؤال أكثر من مرة لحد ما جاوبتني امي  وكالت
( ابني الشمس شرقت من الغرب وباب التوبة انقفل )!!!!  حسيت انو كل أجهزة جسمي وكفت وبعد ما اكدر اتحرك
بعد ما سمعت هاي الكلمة! ! ظليت أركض ما اعرف شنو دا اسوي والناس كلها تركض مثل المجانين وميعرفون شنو يسوون ولا يهمهم مال ولا ابن  ولا اب  ولا ام
بوقتها اجه بإذاني  صوت واحد ، قوله تعالى
( يوم يفر المرء من أخيه وأمه وأبيه وصاحبته وبنيه لكل امرئ منهم يومئذ شأن يغنيه
.............

تخيلوا لو هذا صاير وياكم ؟! احنه ليش واثقين انو راح ندخل الجنة بدون صلاة ولا اي شي يشفع لنا يوم القيامة
ماطول باب التوبة مفتوح يعني اكو أمل ينصلح حالك  والله يرضى عليك
ترى الوقت ديمشي حاول تعمل شي لاخرتك